Г-а Тереза Албано, Лице задолжено за економски прашања, Виш проектен менаџер на проектот E-MINDFUL , ОБСЕ

Анализа на досегашни кампањи

Во проектот E-MINDFUL, анализата на досегашните кампањи се стреми да обезбеди база на знаење за силните и слабите страни на информативните кампањи/образовните програми кои го промовираат придонесот на мигрантите во општествата-домаќини. Целта на оваа активност е да обезбеди насоки за Националните мултидисциплинарни креативни групи (НМЦГ) кои, во шесте земји вклучени во проектот, имаат задача да истражуваат иновативни пораки кои можат да допрат до „неопределената средина“, односно, делот од јавноста што е рамнодушен или несигурен за нивните чувства и мислења за мигрантите. Свој придонес во оваа активност дадоа пет експерти – социолог, семиотичар, културен антрополог, дизајнер за ангажирање на публиката и комуникации и експерт за бихевиорален маркетинг – за да се прошири разбирањето на факторите кои придонесуваат за обликување на ставовите на луѓето кон мигрантите. Анализираните кампањи/образовни програми беа финансирани од програмата АМИФ (Фонд за азил, миграција, интеграција) на Европската комисија, Генералниот директорат на Европската комисија за миграција и внатрешни работи (DG HOME), а беа спроведени во земјите на Европската Унија (ЕУ). ОБСЕ ја прошири анализата на досегашните кампањи преку вклучување на искуствата за подигнување на свеста, како и рекламите реализирани во земјите кои примаат мигранти во „глобалниот Север“, но надвор од ЕУ.

Клучни наоди

Ставовите кон мигрантите се формираат како резултат на сложена архитектура на индивидуални и контекстуални фактори. Иако раното образование и животните искуства имаат релевантна улога во обликувањето на вредностите и ставовите на поединците, слично, ако не и посилно влијание имаат контекстуалните фактори, како што се мислењата изразени од политичарите или луѓето што се влијателни во заедницата, особено во виртуелните заедници на социјалните медиуми.

Според анализата, приказните за мигрантите – за „нив“ – се креираат претежно околу следните наративи кои различно одекнуваат во зависност од вредностите и светогледот на поединците:

/Превод на слика/

Додека наративите обликувани околу „Безбедностa“, „Економијата“, „Демографијата“ и „Хуманитарност“ можат да допрат до „неопределената средина“ со „за“ или „против“ позиции, наративот „Идентитет“ е помалку веројатно да доведе до позиција што е повеќе „за“. Раскажувањето приказни што преовладува е искристализирано околу следните главни ликови: мигрантот-жртва, кој резонира со наративот за хуманитарноста и демографијата; мигрантот-херој, кој резонира главно со економските и безбедносните наративи; мигрантот-предатор, кој резонира со идентитетските и безбедносните наративи.

Сепак, кога раскажувањето се фокусира на нас, наместо на нив, потенцијалот тоа да допре до „неопределената средина“ повеќе ветува: форматите се прилично разновидни, од реклами до ТВ серии/филмови. Употребата на парадоксот и хуморот ги прави приказните попривлечни, додека проблемите се препознаваат заедно со позитивните аспекти, обликувајќи приказна која е автентична и привлечна.

Што научивме од анализата? Од анализата произлегоа некои пораки „Не заборавајте на (комуникациските) јазови“:

1. Не заборавајте на приказните:

Постои силна потреба да се оди подалеку од „проповедање на преобратените“ и да се истражуваат неочекувани формати и приказни, наместо фокусот да се стави на карактеристиките на „неопределената средина“ што, како таква, ги пресекува различните социјални, културни и демографски показатели, поради што многу е сложено таа да се таргетира. Можеби е поисплатливо да се премине од „таргетирање публика“ кон „создавање заедници“ кои можат активно да бидат вклучени во заедничко креирање содржина.

2. Не заборавајте на гласникот:

Инфлуенсерите, наместо потрадиционалните комуникатори како што се новинарите во печатените медиуми/радиото/телевизијата, сè повеќе ја стекнуваат довербата на публиката, особено на интернет. Иако проектот не може директно да се соработува со инфлуенсерите, постојат лекции што може да се научат од нивните комуникациски стратегии, особено нивната (очигледна) спонтаност и искреност.

3. Не заборавајте на форматот и неговата можност за ширење:

Одредени пораки имаат тенденција да резонираат во „затворените“ еко-комори, особено – но не исклучиво – во онлајн средини, што ги прави поранливи на погрешни и лажни информации за теми со емоционален набој, како што е миграцијата. Важно е Националните креативни групи да дизајнираат комуникациски формати на начин што е лесно „споделив“, вклучително и преку различни платформи и медиуми.

4. Не заборавајте на компромисите:

Не постои совршена информативна кампања. Секој избор на комуникација подразбира компромиси. Важно е компромисите да бидат јасно наведени во процесот на креирање. Проектот нуди единствена можност за истражување и експериментирање за заемно учење.

Иако извештајот од анализата сега е подготвен за процесот на разгледување и уредување кој одзема многу време, но, работната верзија може да им се достави за користење на Националните креативни групи кои веќе го започнаа својот процес на заедничко создавање. Со нетрпение очекуваме да видиме што ќе произлезе од нивната сензитивност и имагинација… Останете со нас.